سوات،ضلعی انتخاب کے موقع پر نعرہ بازی اور بھنگڑے
سوات، ضلع سوات میں ضلعی نظامت اور نائب نظامت کے انتخاب کے موقع پر شدید نعرہ بازی ، پی ٹی ائی او رن لیگ کے ضلع کونسلرز نے ایک دوسرے پر خوب جملے کسے، دونوں جماعتوں کے امیدواروں کے درمیان ہاتھا پائی ہوتے ہوتے رہ گئی، ضلعی نظامت کیلئے دونوں جماعتوں کے امیدواروں نے کافی زور لگایا ، انتخابی عمل مقررہ وقت سے ایک گھنٹہ بعد شروع ہوا، ضلع کونسل میں101 امیدوار ہیں جبکہ اس موقع پر صرف 99 امیدوار حاضر تھے، انتخابی عمل سے قبل مسلم لیگ ن اور پی ٹی ائی کے ممبران کے درمیان شدید نعرہ بازی ہوئی، دونوں نے ایک دوسرے کے پارٹی پر خوب جملے کسے، جبکہ بعض امیدواران لڑائی پر بھی اتر ائے لیکن موقع پر موجود دوسرے جماعتوں کے امیدواروں نے ماحول کو مزید گرمانے نہیں ہونے دیا، ن لیگ اور اے این پی کے امیدواروں کی کامیا بی کیساتھ ہی دونوں جماعتوں کے امیدواروں نے خوب بھنگڑے ڈالے او رنعرہ بازی کی۔
