مینگورہ،چینچی رکشہ ڈرائیورں کا مسلسل چالان کے خلاف اور مطالبات کے حق میں احتجاجی مظاہرہ و جلوس
مینگورہ (نما ئند ہ سوات پوسٹ)چینچی رکشہ ڈرائیورں کا مسلسل چالان کے خلاف اور مطالبات کے حق میں احتجاجی مظاہرہ و جلوس ، گزشتہ روز جنرل بس سٹینڈ قمبر روڈ پر چلنے والے چنگ چی رکشہ ڈرائیوروں نے احتجاجی مظاہرہ کیا اور نعرے لگاتے ہوئے جلوس کی شکل میں سوات پریس کلب پہنچ گئے ، جہاں پر مظاہرین سے خطاب کرتے ہوئے رحمت گل ، نیاز علی ، سلیم خان اور دیگر ڈرائیوروں نے کہا کہ سٹی ڈی ایس پی سمیت ٹی ایس آئی اور ٹی او زمسلسل چالان دے رہے ہیں جوکہ سراسر ظلم و ناانصافی ہے ، انہوں نے کہا کہ چینچی رکشے ہمارا واحد ذریعہ معاش ہیں جسے ہم جنرل بس سٹینڈ قمبر روڈ پر چلا کر رزق حلال کما رہے ہیں مگر ٹریفک اہلکار قدم قدم پر ہمیں پرچے دے رہے ہیں جس سے ہمارے گھروں کے چولہے ٹھنڈے پڑ چکے ہیں ، انہوں نے پولیس حکام اور دیگر ذمہ داروں سے اپنے ساتھ جاری ظلم کا سلسلہ بند کرانے کی اپیل کی ہے ۔
